نون–وكالات
اعرب الفنان السوري مكسيم خليل عبر صفحته في موقع التواصل الاجتماعي فيسبوك عن حزنه لوفاة “حارس الثورة” عبد الباسط الساروت بعد الإعلان عن مقتله متأثراً بجراح أصيب بها إثر قصف نظام الأسد ريف حماة.
وكتب الفنان مكسيم منشوراً قال فيه:
“روح ياساروت ..روح مبسوط ..روح مرتاح ..
روح بطل ..طريق روحك مفروشة بدموع وبحب السوريين يلي عشقو سوريا العظيمة…وحتى بدموع يلي خافو من كلمة حرية…صدقني كانو يسمعو أغانيك وقلبهم يهتف بخوف من جوا معك.. كلمة الحق
بهاد الزمن بجوز بتخوف..بس ما بتْموت ..كلمة الحق بتعيش وبتكبر حتى جوات يلي كذبوها وخونوها وغدروها واستغلوها ..كلهم من جوا بحبوها وبتمنوها..ولما رح ينظلمو رح يتذكروها..
اليوم ما انتهيت يا ساروت …
اليوم تحديداً بلشت قصتك الحقيقية..
قصة “البطل” ..متلك متل وليام والاس..متل روبن هود.. متل عمر المختار ومتل كتااااار من الأبطال يلي ظلمتهم وشوهتهم رواية الطغاة والخوف بالحاضر.. وخلدهم التاريخ بالمستقبل..أبطال عرفناهم وعشقناهم بالأفلام والكتب حاربو الظلم وماتو مظلومين ومقهورين.. بس كانو بالنهاية بطل الفيلم.. وبطل الرواية..
وأنت واحد من أبطال سوريا ..يلي يوماً ما رح تفخر فيك وبأمثالك يلي:
ولله لو كُنت الطاغية ..
