بالصور.. سما المصري للشامتين بمرضها..عيب عليكم اتقوا الله
لاقت الفنانة المصرية سما المصري ردود أفعال تعبر عن الشماتة بمرضها، بعدما نشرت صورة لها من داخل المستشفى معلنة اصابتها بجرثومة في المعدة، فما كان منها الا ان نشرت صورة جديدة عبر حسابها الشخصي على «إنستغرام» لترد بها عليهم.
وكتبت سما المصري: «الحمد لله على كل اللي يجيبه ربنا.. الناس اللي بتقولي هو اللي زيك فاكر ربنا؟؟ أحب أقولهم أولا محدش عارف إيه العلاقة بين أي بني آدم وبين ربه.. ثانيا لو أنا مش فاكراه فهو فاكرني وفاكر كل عباده ومش عيب لما نمرض نفتكر ربنا أكتر من أي وقت.. سيبوا علاقتي بربنا ليا لوحدي، أنا اللي هتحاسب لو بعمل حاجة غلط مش انتوا، والمرض بتتعرض له المحجبة والشيخ وأي حد مش أنا بس.. مش ناس فرحانة وعمالة تقولي تستاهل».
وأضافت المصري «عيب عليكوا افتكروا أن ربنا لو احب عبده ابتلاه وأنا ربنا بيحبني حتى لو بعمل غلط وهو اللي قادر يهديني مش كلامكم وتجرحوا فيا حتي في مرضي.. تخلقوا بأخلاق الرسول وبلاش شماته عشان شماتتكم دي بتاخدوا بيها ذنوب من عندي وتبقي ذنوبكم انتوا وانا اللي باخد حسناتكم.. اتقوا الله المرض مفيهوش شماته ولا له كبير وداين تدان.. ربنا يهديكوا ويسامحكم ع الشماتة فيا».
وكانت سما المصري قد نشرت صورة لها من داخل المستشفى وأعلنت عن إصابتها بجرثومة في المعدة.
